Dita e 18 e luftës/ Izraeli vret Ali Larijanin, përplasje për Ngushticën e Hormuzit

OKB thekson se mënyra e vetme për të garantuar funksionimin e Ngushticës së Hormuzit është ndërprerja e luftimeve.

Zëdhënësi Farhan Haq paralajmëroi se mbyllja e Ngushticës do të kishte pasoja të rënda globale, përfshirë rritjen e varfërisë. Ai bëri thirrje për masa urgjente që të sigurohet qarkullimi normal në këtë pikë kyçe për tregtinë globale të naftës.

Kryeministri izraelit Benjamin Netanyahu iu drejtua qytetarëve iranianë me një mesazh nga Tel Avivi gjatë festës së Novruzit.

Ai deklaroi se Izraeli ka eliminuar dy liderë terroristë në 24 orët e fundit dhe se sulmet ajrore po vazhdojnë kundër objektivave të lidhura me regjimin.

Netanyahu tha se këto veprime synojnë t’i japin mundësi popullit iranian të festojë lirshëm Festën e Novruzit. Në fund, ai uroi qytetarët “Gëzuar Novruzin” dhe i inkurajoi të dalin e të festojnë.

Irani ka konfirmuar vdekjen e Ali Larijanit, shefit të Këshillit të Sigurisë Kombëtare, i vrarë në një sulm ajror të pretenduar nga Izraeli në kryeqytet.

Vdekja e tij shihet si një humbje e madhe për udhëheqjen e Teheranit dhe rrit tensionet në rajon.

BREAKING: Iran officialy admits Ali Larijani was killed. pic.twitter.com/hqqW22xikI

— Clash Report (@clashreport) March 17, 2026

Rusia po rrit bashkëpunimin ushtarak dhe shkëmbimin e informacionit me Iranin, duke i dhënë këtij të fundit imazhe satelitore dhe teknologji të avancuar dronësh.

Qëllimi është të mbështeten sulmet e Teheranit ndaj forcave amerikane në rajon. Analistët thonë se Rusia kërkon të mbajë Iranin konkurrues ndaj SHBA-ve dhe Izraelit dhe të zgjasë konfliktin, që e favorizojnë ekonomikisht dhe ushtarakisht.

Senatori republikan Lindsey Graham tha se nuk e ka parë kurrë Donald Trump-in kaq të zemëruar, duke u shprehur se aleatët e NATO-s janë arrogantë për qëndrimin ndaj Iranit.

Graham kritikoi sugjerimin se një Iran me armë bërthamore nuk përbën shqetësim për Amerikën.

Ai mbështet fuqishëm operacionet kundër Teheranit dhe e konsideron qëndrimin e aleatëve si ofendues. Trump dhe Graham u shprehën se ka shqetësim të madh për kërcënimin bërthamor iranian.

Ministri i Jashtëm egjiptian, Badr Abdelatty, deklaroi se asnjë vend i Gjirit Persik nuk ka kërkuar ndihmë ushtarake nga Egjipti.

Ai theksoi se marrëdhëniet me vendet e Gjirit janë të forta dhe të qëndrueshme dhe siguria e tyre konsiderohet pjesë e sigurisë egjiptiane. Gjatë një iftari me gazetarët, Abdelatty ripërsëriti mbështetjen e vendit të tij për shtetet arabe dhe dënoi sulmet ndaj tyre.

Lufta në Iran I ka kushtuar deri tani Shteteve të Bashkuara të paktën 12 miliardë dollarë, sipas një funksionari të administratës Trump.

Shifra mund të jetë më e ulët se realiteti, pasi nuk përfshin shpenzimet paraprake të forcave speciale apo zëvendësimin e armëve të përdorura.

Qendra për Studime Strategjike dhe Ndërkombëtare kishte llogaritur se 100 orët e para të operacionit kushtonin rreth 891 milionë dollarë në ditë, një ritëm që mund të detyrojë qeverinë të kërkojë fonde të reja.

Gholamreza Soleimani ishte një komandant i lartë iranian brenda Forcave Revolucionare të Gardës Islamike (IRGC) dhe udhëheqës i forcës paramilitare Basij.

Ai lindi rreth vitit 1964–1965 në Farsan, Iran, dhe u bashkua me Gardën Revolucionare gjatë Luftës Iran–Irak në vitet 1980-të, ku filloi karrierën e tij ushtarake. Nga viti 2019 ai shërbeu si komandant i Basijit, një forcë vullnetare që luajti rol kyç në zbatimin e rendit dhe sigurisë së brendshme të Republikës Islamike të Iranit.

Nën udhëheqjen e tij, Basiji u përfshi në shtypjen e protestave të mëdha anti-qeveritare, veçanërisht në vitet 2019 dhe 2022, për çka ai mori edhe sanksione ndërkombëtare nga SHBA-ja, BE-ja dhe Britania e Madhe për shkelje të të drejtave të njeriut. Soleimani ishte i njohur për qëndrimet e tij të forta ideologjike dhe kundërshtimin e Izraelit.

Forcat e Gardës Revolucionare Islamike të Iranit (IRGC) konfirmuan vdekjen e komandantit të forcës Basij, Gholamreza Soleimani.

Sipas agjencisë Tasnim, Soleimani u vra në një “sulm nga armiku amerikano-izraelit”. Ai udhëhoqi Basij-in për 6 vite, duke luajtur rol kyç në përmirësimin e strukturës popullore dhe xhihadiste të forcës, zhvillimin e lëvizjeve konstruktive dhe ndihmën për grupet e pambrojtura.

IRGC e përshkroi këtë vrasje si një “akt të pabesë” që nënvizon rëndësinë e Basij-it në betejën kundër SHBA-ve dhe Izraelit.

Forcat izraelite thanë se kanë kryer një tjetër valë sulmesh ndaj të ashtuquajturve anëtarë dhe infrastruktura të Hezbollah-ut gjatë 24 orëve të fundit.

Në një deklaratë në Telegram, ushtria tha se ka goditur luftëtarë dhe pajisje, përfshirë një lançues në zonën Deir ez-Zahrani të guvernoratit Nabatieh dhe një ndërtesë logjistike në Bejrut.

Deklarata gjithashtu pretendonte se forcat izraelite “eleminuan” anëtarë të Hezbollah-ut në gjithë jugun e Libanit, por nuk dhanë më shumë detaje. Sulmet izraelite kanë shkaktuar vdekjen e 912 personave në Liban që nga 2 marsi, sipas Ministrisë së Shëndetësisë së vendit.