Bankat shqiptare vijojnë të kenë një situatë të qëndrueshme financiare, ndërsa aktiviteti i tyre po zgjerohet.
Më shumë para në banka, më shumë kredi për ekonominë dhe të ardhura në rritje nga aktiviteti bankar, këto janë disa nga treguesit kryesorë të gjashtëmujorit të parë të vitit.
Referuar shifrave të Bankës së Shqipërisë, paratë që qarkullojnë në sistemin bankar janë shtuar.
Depozitat dhe kursimet mbeten burimi kryesor i financimit të bankave, ndërsa një pjesë gjithnjë e më e madhe e tyre po rikthehet në ekonomi përmes kredive.
PARATE NE SISTEMIN BANKAR
| 2025 | 2026 | |
| Depozita | 807 mld | 842 mld |
| Para jashtë bankave | 483 mld | 494 mld |
| Kredi për bizneset | 517 mld | 532 mld |
Rritja e financimit të bizneseve është një nga elementët që po mban të gjallë aktivitetin bankar. Por bankat nuk po fitojnë vetëm nga kreditë.
Në gjashtë muajt e parë të vitit, bankat kanë siguruar mbi 38 miliardë lekë të ardhura neto nga interesi, ndërsa më shumë se 10 miliardë lekë kanë ardhur nga komisionet dhe shërbimet.
KONTRIBUTI NE TE ARDHURA
Të ardhura neto nga interesi 38.1 mld lekë
Të ardhura nga komisionet dhe gjobat 10.7 mld lekë
Të ardhura neto pas taksave 14.4 mld lekë
Pas shpenzimeve dhe taksave, sistemi bankar mbylli gjashtëmujorin me rreth 14.4 miliardë lekë fitim.
Tabloja tregon një sistem me para të mjaftueshme për të financuar ekonominë, ndërsa rritja e kreditimit po shoqërohet edhe me një rezultat financiar pozitiv për bankat.
/tvklan.al












Botërori 2026 
