Rey Manaj mund të ndryshojë skuadër në merkaton e verës. Është përfolur shpesh për një largim të mundshëm nga Sivasspor, por ofertat e mbërritura, nuk janë pranuar nga klubi turk, që synon të përfitojë një shifër të lartë për sulmuesin.
Së fundmi në skenë për shërbimet e lushnjarit, ka dalë një tjetër klub turk. Bëhet fjalë për skuadrën e Antalyaspor.
Trajneri Emre Belozgolu po përgatit afrime të mëdha në verë dhe në krye të listës së dëshirave qëndron Manaj.
Shqiptari pëlqehet shumë nga tekniku turk, i cili dëshiron ta ketë nën urdhrat e tij për sezonin e ardhshëm në Superligë.
Manaj këtë sezon numëron 24 ndeshje të luajtura, ndërsa ka shënuar 10 gola dhe 5 asiste. /tvklan.al
