Flamurtari merr një fitore të rëndësishme ndaj Korabit në Vlorë me rezultatin 4-1 në sfidën e javës së 25 të Kategorisë së Parë.
3 pikët i afrojnë edhe më shumë kuqezinjtë drejt objektivit, që është ngjitja në elitën e futbollit shqiptar.
Nisja ishte e keqe për vendasit, që e gjetën veten në disavantazh, pasi Treni shënoi për miqtë.
Dy minuta nga fundi i kohës së rregullt, Shkurtaj barazoi shifrat.
Me fillimin e pjesës se dytë, Marku i dha avantazhin vlonjatëve.
10 minuta më vonë, erdhi goli i tretë nga Oshafi.
Në vazhdim, për Flamurtarin ishte më e thjeshtë, ndërsa Oshafi realizoi rrjetën e katërt në të 86’.
59 pikë në vend të dytë për ekipin vlonjat, ndërsa Korabi ngelet në kuotën e 25 pikëve në vend të nëntë.
Në sfidën tjetër të së premtes, Pogradeci dhe Lushnja barazuan me rezultatin 2-2.
Nisja ishte e mirë për miqtë, që shënuan dy herë me Ololan e më pas me Xhabrahimin brenda 13 minutave. Liqenorët u përgjigjën me Alideman në të 18, e pastaj me Danladin në të 57’.
37 pikë për Lushnjën në vend të 5 në renditje dhe 3 më pak për Pogradecin, 1 pozicion më poshtë.
Klan News
