Gjirokastra priti festivalin e riteve.

10 ansamble dhe grupe folklorike u bënë pjesë e këtij edicioni të 7-të të organizimit.

Artistët kishin ardhur nga treva të ndryshme shqiptare dhe diaspora.

Ata sollën më të mirën e traditës dhe folkut shqiptar. Vetë pjesëmarrësit e vlerësojnë këtë organizim si të rëndësishëm për promovimin e traditës sonë dhe përcjelljen e saj te brezat e rinj.

Aktiviteti tërhoqi vëmendjen edhe të shumë turistëve të huaj të cilët ndodhen në Gjirokastër në këtë periudhë të vitit.

Festivali i riteve erdhi në ditën kombëtare të trashëgimisë. Në Gjirokastër organizohen shpesh aktivitete të tilla që kanë në qendër vlerat e trashëgimisë sonë kulturore.

Klan News

/tvklan.al