Mbi 1 mijë e 300 civilë kanë humbur jetën si pasojë e sulmeve ajrore të SHBA-ve dhe Izraelit mbi Iran, sipas ambasadorit iranian në OKB, Amir-Saeid Iravani.

Ai deklaroi se deri më tani janë shkatërruar rreth 9 mijë e 669 objekte civile, përfshirë 7 mijë e 943 banesa, si dhe dhjetëra shkolla e institucione arsimore.

Ambasadori Iravani shtoi se bombardimet mbi depot e karburantit në Teheran dhe qytete të tjera kanë shkaktuar ndotje të konsiderueshme.

Ndërkohë, gazetarë të AFP-së kanë raportuar për një raund të ri shpërthimesh në Teheran mbrëmjen e kësaj të marte, më shumë se një javë pas nisjes së luftës në Lindjen e Mesme. Shpërthimet u dëgjuan në veri dhe perëndim të kryeqytetit.

Një fëmijë i shtrirë në një stacion hekurudhor të përdorur si strehë nëntokësore kundër bombave në Tel Aviv
Një fëmijë i shtrirë në një stacion hekurudhor të përdorur si strehë nëntokësore kundër bombave në Tel Aviv

Ambasadori iranian në OKB përsëriti se bombardimet amerikano-izraelite kanë shkatërruar pothuajse 10 mijë objekte civile që nga 28 shkurti, duke përfshirë 65 shkolla dhe afro 8 mijë shtëpi.

Ky bilanc tragjik vjen në një kohë kur tensionet në rajon janë në rritje, ndërsa sulmet ajrore vazhdojnë të godasin zona të banuara dhe infrastrukturë civile në Iran.