#Opinion | Emision politik live nga #BlendiFevziu në #TvKlan

Emisioni politik më i ndjekur dhe më i preferuar në ekranet shqiptare. “Opinion” vjen në katër takime çdo javë – e hënë, e martë, e mërkurë dhe takimi tradicional i të enjtes mbrëma.

Të ftuar: Alma Çupi, Albana Nanaj, Fjoralba Dizdari, Pjerin Ndreu, Altin Prenga, Artion Vreto, Elvis Kotherja

“Gjendja alarmante”, Alma Çupi: Në Ksamil i vunë porta plazhit

Këtë të hënë në emisionin “Opinion” në Tv Klan u fol në lidhje me turizmin në Shqipëri gjatë këtij sezoni turistik. E ftuar në studio ishte edhe Alma Çupi, sipas të cilës gjendja është alarmante.

“Unë jam një njeri që e dua vendin tim dhe prej shumë vitesh kam pushuar në vendin tim. Ka arritur gjendja alarmante, për shkak jo nga privati. Privati ka bërë investime aq sa ka mundu, por tani nuk shikoj një bashkëpunim mes privatit dhe pushtetit lokal”, tha ajo.

Më e pakënaqur, duket se gazetarja është me Ksamilin. Për Blendi Fevziun tregoi se çfarë i ka ndodhur.  

Blendi Fevziu: Pse u mërzite në Ksamil? Çfarë ndodhi?

Alma Çupi: E para, u mërzita në Ksamil se nuk bën dot plazh pa paguar një çadër. E gjithë vija bregdetare e Ksamilit, vija e qytetit… Por ti nuk mund të më detyrosh mua, që të më mbyllësh portën e plazhit. I kanë vënë porta plazhit.

Blendi Fevziu: Si?

Alma Çupi: Po! Natën ti nuk bën dot shëtitje buzë detit në një pjesë vije bregdetare të Ksamilit. Jo nuk shkon dot të lahesh në darkë në det. Jo mua, ata do ma hapnin mua portën, por kur më thanë ti do futesh…nuk është normale kjo. Dhe nga kjo u mërzita.

Blendi Fevziu: Si moj i kanë bërë plazhet me derë?

Alma Çupi: Po me derë, me portë. Pasdite mbyllet porta dhe nuk lejohen. Mua më ndodhi vetë dhe pastaj u futa në pishinë. Ai thjesht kishte mbyllur plazhin se e quante të veten, pjesën e territorit të plazhit.

“O jam çmendur unë komplet….”, habit Fevziu: 2 mijë euro dita në Ksamil!

Sonte në “Opinion” u diskutua lidhur me sezonin turistik në vend e veçanërisht për çmimet e larta në disa zona të jugut. Moderatori i emisionit Blendi Fevziu tregoi eksperiencën e tij në Ksamil me çmimet ekstreme për një ditë pushimi.

Blendi Fevziu: Pashë një kabanë në zonën e Sarandës, 2 mijë euro dita! O jam çmendur unë e nuk kuptoj komplet, por 2 mijë euro dita në zonën e Ksamilit ku po u rrotullove i bie tjetrit me bërryl…Do thuash ti ata e paguajnë, po ti ke marrë një hapësirë publike.

Pjerin Ndreu: Është kaluar masa, edhe me zonën e territorit, edhe me çmimet. Është kapërcyer masa e keqpërdorimit të shezlongëve në mënyrë skandaloze. Është koha për të vendosur një rregull.

/tvklan.al