Është e rrallë që të shikosh një grua duke rregulluar orë.

Është pasioni i Liljana Gjergjit që nuk ndalet pavarësisht dekadave në këtë zanat.

E gjen çdo ditë në këtë vend duke rregulluar orë të ndryshme. Punën e vijon me të njëjtën dëshirë si 59 vjet më parë kur e nisi zanatin që i dedikoi jetën.

Na tregon se nuk e ka të trashëguar por gjithçka nisi nga nevoja për të punuar.

Me kalimin e viteve mësoi më shumë për botën e orëve. E vijoi këtë zanat edhe pas rënies së diktaturës.

Ka pritur qytetarët e Vlorës dhe banorë të fshatrave përreth dhe në pak orë ka rregulluar orët e tyre.

Nuk e ndaloi punën as pas daljes në pension. Orëndreqësja na tregon se gjithçka e realizon lehtë, madje nuk përdor as syze.

Si çdo zanat edhe ndreqja e orëve ka vështirësi. Liljana thotë se rregullimi i merr më shumë kohë te orët e prodhuara së fundmi.

Brezin e ri nuk e sheh të lidhur me një zanat ë tillë. Ka patur dëshirë që këtë profesion t’ia trashëgonte nipërve por diçka e tillë nuk ka ndodhur.

Liljanës ky zanat i siguron të ardhura shtesë ndaj thotë se do ta vijojë këtë profesion për sa kohë do të ketë mundësi.

Klan News

/tvklan.al