23 shtator 2026- Pasi e shkarkoi nga detyra drejtuesen e Shërbimit Informativ Shtetëror (SHISH), Vlora Hysenin, kryeministri, Edi Rama, ka gjetur menjëherë pasuesin e saj.
Bëhet fjalë për Elvis Lilën, drejtori i Departamentit Operativ në SHISH, i cili është komanduar përkohësisht në krye të këtij institucioni nga kryeministri Edi Rama.
Vendimi i kreut të ekzekutivit është botuar në Fletoren Zyrtare dhe do mbetet në fuqi deri në hyrjen në fuqi të këtij urdhri dhe mbaron me emërimin e drejtorit të Shërbimit Informativ të Shtetit.
Vendimi i botuar në fletoren zyrtare:
Z. Elvis Lila, drejtor i Departamentit Operativ, t’i delegohen përkohësisht kompetencat administrative të drejtorit të Shërbimit Informativ të Shtetit.
2. Delegimi i kompetencave fillon me hyrjen në fuqitë këtij urdhri dhe mbaron me emërimin e drejtorit të Shërbimit Informativ të Shtetit.
3. Ngarkohet z. Elvis Lila, drejtor i Departamentit Operativ, në Shërbimin Informativ të Shtetit, për zbatimin e këtij urdhri.
4. Ky urdhër hyn në fuqi menjëherëdhe botohet në Fletoren Zyrtare.
Masa e sigurisë dhe akuzat për Vlora Hysenin
Gjykata e Posaçme vendosi ndaj ish-drejtueses së SHISH masën e sigurisë “arrest në shtëpi”, si dhe “pezullimin nga ushtrimi i detyrës”, me akuzat “nxjerrja e sekretit shtetëror” dhe “përkrahja e autorit të krimit të organizuar”.
Ajo po hetohet në kuadër të dosjes së njohur, si dosja e AKSHI-t.
/tvklan.al












Botërori 2026 
