Fitorja kundër Finlandës ka konfirmuar momentin pozitiv për Kombëtaren shqiptare nën drejtimin e trajnerit Rolando Maran. Italiani ia ka dalë që në pak kohë të përçojë idetë e tij në skuadër, e cila tani duket e rilindur në lojë dhe me shumë besim në vetvete.

Gjithçka konfirmohet edhe nga statistikat e Ligës së Kombeve, që e rendisin Shqipërinë mes ekipeve më të mira të këtij edicioni, duke llogaritur të gjitha ligat.

Kombëtarja kuqezi është e treta në renditjen e përgjithshme për sulme të krijuara në 5 ndeshjet e para të Nations League, duke u renditur vetëm pas Armenisë dhe Malit të Zi.

Këto sulme të krijuara janë përkthyer në tentativa drejt portave kundërshtare. Në total, kuqezinjtë kanë bërë 92 goditje, duke u renditur mes emrave të mëdhenj të futbollit europian si Holanda dhe Gjermania, si dhe duke lënë pas Anglinë dhe Spanjën.

Shqipëria ka shënuar 10 gola në 5 sfidat e luajtura, mesatarisht 2 për ndeshje, duke konfirmuar qasjen më sulmuese dhe dëshirën për të prodhuar futboll nën drejtimin e trajnerit Rolando Maran.

Tv Klan

/tvklan.al