Kryeministri Edi Rama ka bërë të ditur se mbrëmjen e djeshme, 16 korrik, në Shqipëri ka mbërritur Presidenti i Emirateve të Bashkuara Arabe, Sheikh Mohammed Bin Zayed Al Nahyan.

Përmes një postimi në rrjetet sociale, Rama publikoi disa foto nga Aeroporti i Rinasit, duke e cilësuar presidentin e Emirateve si “një mik të vjetër e të shtrenjtë të popullit shqiptar”.

“MIRËMËNGJES, dhe me mbërritjen mbrëmë në Shqipëri të një miku të vjetër e të shtrenjtë të popullit shqiptar, këtej e andej bjeshkëve, Lartësisë së Tij, Presidentit të Emirateve të Bashkuara, Sheikh Mohammed Bin Zayed Al Nayan, ju uroj një ditë të mbarë”, shkruan kreu i qeverisë.

Nga ana tjetër, Bin Zayed Al Nahyan ka shkruar në rrjetin e tij social “X” se ka zhvilluar një bisedë në Tiranë me kryeministrin Rama për të forcuar marrëdhëniet midis dy vendeve.

Ai vë theksin po ashtu te shkëmbimi i pikëpamjeve mbi çështjet e përbashkëta dhe mënyrat për të mbështetur paqen dhe stabilitetin në nivel rajonal dhe ndërkombëtar.

Kësaj vizite, Rama i ka “kushtuar” edhe disa vargje të poetit Naim Frashëri:

“Flamur që lind Shën Konstandinin,

Pajton Islamn’ e Krishtërimin,

Çpall midis feve vllazërimin,

Flam…

/tvklan.al