Sulmet ruse në Ukrainë vranë tre persona në Sumy në verilindje të vendit, dy fëmijë të moshës 5 dhe 10 vjec, dhe një grua të moshuar.

Ndërkohë, një sulm tjetër në qytetin port të Mykolaiv në Ukrainën jugore vrau një grua 89-vjeçare. Rusia lëshoi ​​136 dronë në Ukrainë gjatë natës, 117 prej të cilëve u rrëzuan ose u interceptuan.

Ukraina vazhdoi të qëllonte ndërkohë në thellësi të territorit rus.

Një sulm me dron në një zonë industriale jashtë Moskës, vrau pesë persona dhe plagosi 10 të tjerë, sipas guvernatorit të rajonit, Andrey Vorobyov I cili tha të martën herët se disa zjarre shpërthyen pas një sulmi me dron në zonën industriale Novoselki.

Dronët dëmtuan gjithashtu një depo pranë Krasny Bor në Rusinë veriperëndimore, duke plagosur një person, ndërsa një tjetër depo e Wildberries u shënjestrua nga një sulm me dron ukrainas në zonën rurale të Emmaus, rreth 180 kilometra në veriperëndim të Moskës.

Ukraina ka kryer sulme me rreze të gjatë duke synuar infrastrukturën civile në Rusi dhe depot që i përkasin gjigantit rus të tregtisë elektronike Wildberries.

Edhe në Krime ka pasur viktima, pasi një ushtar i paidentifikuar hapi zjarr, duke vrarë një ushtar tjetër dhe tre civilë.

Klan News

/tvklan.al