Lufta në ditën e 19-të| Irani nis hakmarrjen, goditet fabrika më e madhe e gazit në botë

➤ Dita e 19-të e luftës: Më 28 shkurt, SHBA-të dhe Izraeli nisën një sulm të përbashkët “paraprak” ndaj objektivave iraniane, duke nisur atë që presidenti Donald Trump e quajti “operacion i madh luftarak”. Pas këtyre sulmeve, udhëheqësi suprem i Iranit, Ayatollah Ali Khamenei, u vra, dhe Mojtaba Khamenei mori vendin e tij si lider i ri suprem. Lufta ka shënuar një përshkallëzim të konsiderueshëm në rajon.

➤ Vrasjet e zyrtarëve të lartë iranianë dhe reagimi i Teheranit: Sulmet izraelite eliminuan Ali Larijani-n, kreun e sigurisë kombëtare, dhe Gholam Reza Soleimani, ish-komandantin e milicisë Basij. Pas kësaj, Masoud Pezeshkian konfirmoi vrasjen e ministrit të inteligjencës, Esmail Khatib. Irani premton hakmarrje “vendimtare dhe të dhimbshme” për këto vrasje. Gjatë këtyre 19 ditëve, shpërthime dhe raketa kanë goditur zona urbane në Izrael, duke rritur tensionet rajonale dhe ngushtuar hapësirën diplomatike. Përveç sulmeve direkte, incidentet kanë prekur edhe objektiva civile, si Aeroporti Ben Gurion, i cili është goditur nga mbetje raketash, duke ngritur shqetësime për sigurinë dhe furnizimin në rajon.

➤ Për çdo zhvillim nga Lindja e Mesme, ndiqni lajmet minutë pas minute në tvklan.al!