Paqja mbetet larg, SHBA-të në gatishmëri të plotë për çdo përshkallëzim në Lindje të Mesme

Komuniteti botëror dhe tregtar detar është i shqetësuar për një sulm të raportuar me raketa balistike dhe dronë ndaj një objekti të Saudi Aramco në qytetin Jizan në Arabinë Saudite jugperëndimore, pranë Detit të Kuq.

Sipas një përditësimi emergjent nga EOS Marine, incidenti ndodhi më 25 korrik, kur objekti energjetik thuhet se u shënjestrua nga një sulm me raketa.

Për industrinë e transportit detar, incidenti nxjerr në pah kërcënimet e shtuara me të cilat përballen anijet tregtare në rajonin më të gjerë të Detit të Kuq dhe Gjirit të Adenit, ku tensionet gjeopolitike vazhdojnë të ndikojnë në sigurinë detare.

Një sulm ajror izraelit të shtunën vrau kreun e forcave policore të drejtuara nga Hamasi në veri të Rripit të Gazës, gjeneral-brigadierin Abdel-Nasser Al-Maqadma; këtë e bënë të ditur Ministria e Brendshme e drejtuar nga Hamasi dhe personeli mjekësor, shkruan Reuters.

Maqadma, një nga të paktën pesë palestinezët e vrarë në sulmet izraelite të shtunën, njihej gjithashtu si guvernator i veriut të Rripit të Gazës. Ai u vra në zonën Sheikh Radwan, në veri të qytetit të Gazës, sipas burimeve mjekësore.

Ushtria izraelite deklaroi se ai ishte gjithashtu pjesë e krahut ushtarak të Hamasit.

Një sistem grek i mbrojtjes ajrore, i vendosur në Arabia Saudite, ka interceptuar dy raketa balistike të lëshuara nga Jemeni drejt rafinerive të naftës në Yanbu, sipas burimeve greke të sigurisë të cituara nga Reuters.

Sipas raportimeve paraprake, raketat kishin si objektiv infrastrukturën energjetike në zonën e Yanbusë, një nga qendrat e rëndësishme të industrisë së naftës në Arabinë Saudite.

Deri tani nuk ka të dhëna zyrtare për dëme apo viktima. Autoritetet saudite dhe kompania Saudi Aramco nuk kanë dhënë ende një deklaratë të detajuar lidhur me incidentin.

Sulmi vjen në një kohë tensionesh të rritura në rajon, ku rebelët Huthi të Jemenit kanë intensifikuar sulmet me raketa dhe dronë ndaj objektivave në Arabinë Saudite dhe vendeve aleate të SHBA-ve në Lindjen e Mesme.

Huthët morën përgjegjësinë për sulmin ndaj Arabisë Saudite në Telegram. Burime arabe, të cituara nga agjencia iraniane e lajmeve Fars, njoftuan pezullimin e fluturimeve në aeroportet e Xhedës dhe Riadit pas sulmeve në Jemen.

Forcat izraelite sulmuan qytetin Beit Furik, në lindje të Nablusit në Bregun Perëndimor, dhe sulmuan disa shtëpi.

Al Jazeera, e cila ishte e pranishme në vendngjarje, raportoi këtë. Pak më parë, kolonët izraelitë kishin bastisur fshatin palestinez Abu Njeim, në juglindje të Betlehemit, duke hapur zjarr ndaj një makine dhe duke bllokuar një rrugë.

“Iranianët “po flasin me ne tani: ata do të donin shumë të arrinin një marrëveshje. Nuk mendoj se janë gati dhe nuk mendoj se është ende koha e duhur, por jam i gatshëm t’i dëgjoj: megjithatë, ata nuk mund të kenë armë bërthamore“, kështu u shpreh Donald Trump, duke folur për Iranin gjatë fjalimit të tij në Darkën e Korrespondentëve të Shtëpisë së Bardhë.

Më tej Trump shtoi se: “Ne nuk duam ta shohim Uashingtonin, ose ndonjë nga qytetet tona, ose Izraelin, ose Lindjen e Mesme në përgjithësi, të shkatërruar nga një armë bërthamore sepse e di sa të fuqishëm janë ata. Pra, në fund të fundit është kjo: Ne nuk do t’i lejojmë ata të pajisen me armë bërthamore“, theksoi shefi i Shtëpisë së Bardhë.

Sipas burimeve arabe të cituara nga mediat iraniane, Jemeni ka shënjestruar një objekt nafte që i përket kompanisë Aramco në zonën industriale të Jizanit, Arabi Saudite.

Re tymi thuhet se ngrihen nga vendet e përplasjes. Energjia elektrike thuhet se është ndërprerë në disa zona të qytetit të Jizanit.

Për më tepër, burime jemenase, të cituara nga Tasnim, raportojnë se bazat ajrore në Arabinë Saudite janë shënjestruar: baza ajrore Khamis Mushait, në Arhabinë Saudite jugore, thuhet se ishte ndër objektivat e sulmeve jemenase. Shpërthime të rënda janë raportuar gjithashtu në qytetin saudit të Dhamad.

Forcat amerikane hapën zjarr dhe neutralizuan një anije cisternë nafte ndërsa ajo po përpiqej të shmangte bllokadën amerikane në Ngushticën e Hormuzit në portet iraniane.

Mediat amerikane raportuan këtë, duke deklaruar se ekuipazhi ishte përpjekur të shkelte bllokadën “të paktën katër herë më parë”, sipas Komandës Qendrore të SHBA-së (CENTCOM). Prandaj, anija “nuk është më duke u drejtuar drejt Iranit”.

Presidentët Xi Jinping dhe Vladimir Putin “më siguruan” se nuk do t’i shisnin armë Iranit dhe “sipas mendimit tim”, Kina dhe Rusia “nuk janë të përfshira në çështjen iraniane”

Ai theksoi se nëse kjo do të ndodhte pasojat do ishin tepër serioze.

“Nëse do ta bënin këtë, pasojat do të ishin shumë serioze: sigurisht që nuk do të ishte në interesin e tyre më të mirë“, tha Trump.

Këtë qëndrim, kreu i Shtëpisë së Bardhë, Donald Trump e publikoi në llogarinë e tij në rrjetet sociale, Truth.

Ali Abdollahi, komandant i shtabit të emergjencës së Iranit, Khatam al-Anbiya, kërcënon Shtetet e Bashkuara të Amerikës.

“Për vdekjen e çdo qytetari iranian, një ushtar amerikan do të dërgohet në ferr. Ne kemi përgatitur bileta të drejtpërdrejta për në ferr për ju”