Denaj: Bizneset që nuk mbulohen me internet do të vazhdojnë siç janë
Në fund të muajit do të jetë gati aplikacioni i ri, i cili do të zëvendësojë kasat fiskale, ndërsa Ministrja Anila Denaj tha se nga Tetori, çdo biznes mund të nisë të provojë dhe testojë këtë sistem.
Lidhur me kërkesat e biznesit për të shtyrë në kohë zbatimin e modelit të faturës elektronike, ajo e la të hapur variantin e shtyrjes, ndërsa dha si zgjidhje për zonat që nuk mbulohen me internet, zbatimin e modelit aktual.
Në konferencën e përbashkët, krerët e Tatimeve dhe Doganave thanë se lufta kundër informalitetit do të vazhdojë, ndërsa deklaruan se muaji Gusht ka tejkaluar planin në mbledhjen e të ardhurave. Drejtori i Doganave premtoi se shumë shpejt do të publikohet edhe lista e subjekteve shkelëse.
Tv Klan
