Një muaj pas zgjedhjes së presidentit të ri, francezët i janë drejtuar sërish kutive të votimit, këtë herë për të zgjedhur anëtarët e parlamentit.
Partia e Presidentit, Emanuel Macron, La Republique en Marche merr pjesë për herë të parë në këto zgjedhje me pritshmëritë se do të marrë shumicën e vendeve në parlamentin 577 vendësh. Në partinë e Macron kandidatët vijnë nga fusha të ndryshme, që nga studentët deri tek pensionistët.
Zgjedhjet e sotme do të pasohen me një tjetër raund votimi, në të cilin do të garojnë vetëm kandidatët që sigurojnë 12.5 % të votave. Kandidatët të cilët marrin më shumë se 50% të votave që në raundin e parë janë automatikisht deputetë të parlamentit francez.
Rezultatet e para të sondazheve priten të publikohen pas orës 18:00, kohë kur mbyllen edhe qendrat e votimit./
39-vjeçari, Emacuel Macron duhet të fitojë shumicën në menyrë që të nxisë ndryshimet që ka premtuar për të reformuar Francën.
Partitë si Fronti Kombëtar i Marine Le Pen, të majtët e Jean-Luc Mélenchon, shpresojnë të përfitojnë nga votuesit që i kthyen shpinën partive kryesore gjatë zgjedhjeve presidenciale.
Megjithatë, sipas analistëve sistemi francez pritet të favorizojë partitë e mëdha.
Zgjedhjet parlamentare në Francë po mbahen gjithashtu nën masa të larta sigurie si pasojë e sulmeve terroriste të viteve të fundit.TV KLAN
