Muaji gusht vijon të mbetet një nga periudhat më të ngarkuara të vitit për lëvizjet e qytetarëve shqiptarë, por edhe për flukset e turistëve të huaj që zgjedhin Shqipërinë për pushime.

Sipas të dhënave të INSTAT, gjatë gushtit në territorin e vendit kanë hyrë rreth 3.45 milionë shtetas shqiptarë dhe të huaj, prej të cilëve rreth 2.4 milionë janë shtetas të huaj duke shënuar rritje me 2% krahasuar me të njëjtën periudhë të vitit 2025.

Ndërsa nëse i referohemi shifrave zyrtare të INSTAT për periudhën Janar-Gusht të këtij viti vendin tonë e kanë vizituar mbi 9.4 milionë të huaj duke shënuar një rritje prej 5.3% krahasuar me vitin 2025.

Këto shifra konfirmojnë konsolidimin e Shqipërisë si një destinacion konkurrues në turizmin ndërkombëtar duke u përkthyer njëherësh në një ecuri me zhvillim të qëndrueshëm të sektorit turistik.

Ndërkohë referuar të dhënave zyrtare të INSTAT, edhe daljet e shtetasve të huaj nga Shqipëria kanë shënuar rritje gjatë këtij viti.

Në tetë muaj rreth 9.3 milionë shtetas të huaj rezultojnë të kenë dalë nga territori i vendit duke shënuar një rritje prej 5.8% krahasuar me të njëjtën periudhë të vitit të kaluar.

Klan News

/tvklan.al