Euro 2024 Një protestues dhe një efektiv policie morën lëndime të lehta nga molotovi i hedhur para Bashkisë Tiranë
Policët e pësojnë keq! I helmon gazi lotsjellës që hodhën drejt protestuesve
Gazi lotsjellës i hedhur në drejtim të protestuesve me qëllim shpërndarjen e tyre i ka helmuar dhe vetë punonjësit e policisë.
Këta të fundit nuk janë ndjerë mirë dhe janë zëvendësuar nga punonjës të tjerë policie pas tensioneve të krijuara para Bashkisë së Tiranës.
Protesta e “mosbindjes civile” të opozitës që ka nisur që prej orës 18:40 është shoqëruar me hedhje molotovësh në drejtim të disa prej institucioneve në kryeqytet.
Protestuesit e kanë nisur me Kryeministrisë, më pas me selinë e PS-së, Ministrinë e Brendshme për të vijuar me Bashkinë e Tiranës.
Molotov në Bashkinë e Tiranës, policia hedh gaz lotsjellës dhe ujë drejt protestuesve
Uniformat blu kanë hedhur ujë dhe gaz lotsjellës pas tensioneve të krijuara në Bashkinë e Tiranës për të shpërndarë protestuesit.
Protestuesit hedhin molotov para Ministrisë së Brendshme dhe Bashkisë së Tiranës
Tensione tek Ministria e Brendshme dhe Bashkia e Tiranës, protestuesit hedhin molotov
Pas selisë së PS-së dhe Kryeministrisë, protetsuesit kanë hedhur molotov drejt godinës së Ministrisë së Brendshme dhe Bashkisë së Tiranës.
Gjithashtu disa të rinj i janë afruar derës së Ministrisë së Brendshme ku kanë tentuar që të hyjnë brenda, por pa sukses.
Policia shpërndan protestuesit me gaz lotsjellës
Pas hedhjes së molotovëve në drejtim të godinës së PS-së, uniformat blu kanë shpërndarë protestuesit duke përdorur gaz lotsjellës.
Foto: Flakë në selinë e PS
Molotov drejt selisë së Partisë Socialiste
Protestuesit janë zhvendosur nga Kryeministria për në selinë e Partisë Socialiste, ku menjëherë kanë hedhur molotov në drejtim të ndërtesës. Si pasojë e flakëve, zjarri ka përfshirë banderolën me figurën e Kryeministrit Rama në fasadën e selisë.
Gazment Bardhi pyetet nga gazetarët për vijimësinë e itinerarit, deputeti: Do ta shikoni hap pas hapi
Protestuesit e opozitës marshojnë në rrugët e kryeqytetit
Opozita proteston 3 orë me molotov kundër institucioneve: Sot nisi mosbindja civile (Të gjitha zhvillimet)
Opozita protestoi të hënën për 3 orë kundër qeverisë Rama, duke nisur kështu ditën e parë të mosbindjes civile, siç e konsideroi edhe Sekretari i Përgjithshëm i PD, Flamur Noka.
Protesta nisi fillimisht përpara Kryeministrisë, aty ku protestuesit hodhën molotov. Më pas, turma e njerëzve e udhëhequr nga drejtuesit e Partisë Demokratike u zhvendosën edhe drejt Ministrisë së Brendshme, Bashkisë së Tiranës e Parlamentit, ku u hodh molotov.
Sulmit nuk i shpëtoi as selia e Partisë Socialiste.
Nga ana tjetër, policia u kundërpërgjigj me gaz lotsjellës për të shpërndarë protestuesit.
Protesta që nisi në orën 18:30 dhe përfundoi në 21:30, kishte si kryefjalë krijimin e një qeverie teknike për zgjedhjet parlamentare të vitit 2025.
Për shkak të hedhjes së molotovëve, Policia e Shtetit njoftoi se 10 efektivë pësuan dëmtime.
Protestuesit shkatërruan edhe reklamat e vendosura në rrugë. Bllokime pati edhe për dy autoambulanca, që nuk u lejuan prej protestuesve të kalonin.
Ndërkohë, pas protestës, nëpër institucionet ku u hodh gaz lotsjellës, grupet hetimore të policisë nisën mbledhjen e provave materiale në vendngjarje. Ndërsa në afërsi të Bashkisë së Tiranës u sekuestruan rreth 15 shishe me molotov të ndara në dy çanta.
/tvklan.al