Nuk është hera e parë që shohin këngëtarë me famë botërore që rrëzohen në skenë për shkaqe të ndryshme.
Kjo i ka ndodhur edhe artistit, njëherësh anëtarit të jurisë së American Idol, Luke Bryan gjatë koncertit të tij në Vancouver që u mbajt gjatë fundjavës.
Bryan po ecte nëpër skenë kur rrëshqiti dhe shkak u bë një celular që ishte hedhur në skenë.
Një trend shqetësues e gjithnjë në rritje ku fansat u hedhin sende këngëtarëve gjatë performanave së tyre.
“Prisni! A e ka kapi dikush këtë momentin?” pyeti të pranishmit ylli i muzikës i cili mbante ende në dorë celularin që shkaktoi incidentin.
Ai ia dha telefonin një fansi të panjohur. “Është në rregull,” i tha ai fansit përpara se të shtonte me shaka: “Avokati im do të telefonojë.”
Bryan ndodhet në Kanada për shkak të turneut të tij Mind of a Country Boy.
Tv Klan
