Të gjitha vendimet që u morën në mbledhjen e qeverisë. Karakaçi: Shumë shpejt mund të ngrihet Bordi i Transparencës, por…

Këtë të enjte, më 19 mars, në orën 12:00, kryeministri Edi Rama zhvilloi mbledhjen e radhës të qeverisë. Në përfundim të kësaj mbledhjeje, ministrat dolën në një komunikim për mediat ku prezantuan vendimet e marra dhe nismat e qeverisë.

-I pari foli ministri për Infrastrukturën dhe Energjinë Enea Karakaçi, i cili njoftoi se sot është miratuar rishikimi i marrëveshjes së financimit mes Banka Evropiane për Rindërtim dhe Zhvillim (BERZH) dhe OSHEE Group, që lidhet me ndërtimin e nënstacionit të qendrës në Tirana. Sipas tij, projekti i ri parashikon ndërtimin e një nënstacioni modern nëntokësor pas Sheshit Skënderbej.

-Po ashtu, ai tha ishte arritur një marrëveshjeje me Myftininë e KMSH-së për rindërtimin e xhamisë së Shijakut.

-Duke iu përgjigjur pyetjeve të gazetarëve, Karakaçi rrëzoi propozimin e PD-së për uljen e taksës së qarkullimit, në mënyrë që të zbritet çmimi i naftës. Ai shpjegoi se një ndryshim i tillë do të rëndonte më shumë qytetarët. Ministri tha se situata po monitorohet dhe nëse do lindë nevoja “shumë shpejt” mund të ngrihet Bordi i Transparencës.

-Karakaçi shpjegoi se Ngushtica e Hormuzit nuk përbën problem për furnizimin e grupeve shqiptare me naftë, pasi mbi 90% e furnizimit vjen nga rrugë të tjera detare.

-Ndërkohë, ministri i Shtetit për Pushtetin Vendor, Ervin Demo, njoftoi miratimin e zonave prioritare për 8 bashki lidhur me Paketën e Maleve. Mes të tjerash ai u ndal dhe tek Reforma Territoriale, duke u shprehur se mazhoranca ka përgjegjësi që të ofrojë zgjidhje dhe të çojë përpara reformat, duke iu referuar asaj territoriale.

-Ministrja e Arsimit, Mirela Kumbaro, nga ana tjetër njoftoi se është vendosur krijimi i Agjencisë Kombëtare të Shërbimeve Arsimore.

Ministri i Mbrojtjes Ermal Nufi, ka komentuar zhvillimet në kufirin verior të Kosovës, ku është raportuar për prani të lartë të forcave serbe.

Nufi tha se:”Republika e Serbisë, mitigon të gjitha rreziqet. Republika e Shqipërisë nga ana tjetër, të gjitha politikat e sigurisë i ka në përputhje me aleancën e NATO-s, më e forta në botë. E gjitha në përputhje me NATO-n dhe siguria e qytetarëve shqiptarë dhe e atyre të Republikës së Kosovës, për sa kohë është KFOR atje, është po ashtu e siguruar nga aleanca më e fortë në botë”.

Ministrja e Arsimit, Mirela Kumbaro, njoftoi se është vendosur krijimi i Agjencisë Kombëtare të Shërbimeve Arsimore… Lexo më shumë

Ministri i Mbrojtjes Ermal Nufi ka folur në deklaratën e sotme për mediat, për pagat në sektorin e Mbrojtjes.

Ai tha që aktualisht pagat në këtë fushë, kanë arritur në “pikën më të lartë, 10.6%”.

Me projekvendimin e sotëm, Nufi tha se synimi është të “arrijmë objektivin tonë, që të arrijmë mesataren e NATO-s”.

“Sot Shqipëria është një nga vendet me pagë mesatare më të lartat në rajon.”, tha ministri.

Ministri i Shtetit për Pushtetin Vendor, Ervin Demo, u shpreh sot, 19 mars, se mazhoranca e ka përgjegjësi që të ofrojë zgjidhje dhe të çojë përpara reformat, duke iu referuar asaj territoriale.

 I pyetur nga gazetarët pas mbledhjes së qeverisë, ai tha se shumica socialiste është e hapur që reforma të përfshijë brenda vetes të gjitha palët dhe shprehur se kjo mund të realizohet përmes komisionit të posaçëm… Lexo më shumë

Pas mbledhjes së sotme të qeverisë, ministri Enea Karakaçi tha: “Nga të gjitha komunikimet dhe informacionet që kemi. Ngushtica e Hormuzit nuk përbën problem për furnizuesit shqiptarë, sepse furnizimi ynë vjen nga rrugë të tjera detare. Mekanizmi është aty. Kemi vlerësuar që me anë të komunikimeve, me shoqatat e Hidrokarbureve, që Bordi i Transparencës mos të ngrihet. Mund të ngrihet shumë shpejt, por akoma nuk kemi vendosur një gjë të tillë.”

Ai u shpreh gjithashtu se Bordi është aty dhe mund të krijohet shumë lehtë me një VKM.

Ministri i Infrastrukturës dhe Energjisë, Enea Karakaçi, ka njoftuar këtë të enjte, më 19 mars, arritjen e një marrëveshjeje për rindërtimin e xhamisë së Shijakut.

“Kemi një marrëveshje mes Këshillit të Ministrave dhe Myftinisë së KMSH, për të rindërtuar xhaminë e Shijakut. Kjo marrëveshje bëhet me fonde donacione nga besimtarët.”, tha ministri.

Ai shtoi se kjo është një simbolikë rastësore e këndshme e fundit të muajit të Ramazanit.

Ministri për Infrastrukturën dhe Energjinë Enea Karakaçi, iu përgjigj pyetjeve të gazetarëve lidhur me kërkesën për uljen e taksës së qarkullimit.

“Taksa e qarkullimit për të ulur 45 lekë nënkupton se është 45 lekë. Nuk është. Ne kemi ndjekur një model tjetër. Është e ndarë në të gjithë vendete e BE, disa e segmentojnë në pikat e karburanteve, disa në pagesat e taksave të mjeteve. Ne kemi gjykuar dhe vlerësuar se marrja e taksës së qarkullimit me pikën e karburantit, është taksimi më i mirë sepse paguajnë më shumë taksë ata që përdorin më shumë makinën.”, theksoi ministri.

Këtë të enjte, më 19 mars, në orën 12:00, kryeministri Edi Rama zhvilloi mbledhjen e radhës të qeverisë, ku morën pjesë ministrat.

Në përfundim të kësaj mbledhjeje, ministrat dolën në një komunikim për mediat ku prezantuan vendimet e marra dhe nismat e qeverisë.