Të larta shifrat e pacientëve në spitale
Pësuan një rënie të lehtë viktimat dhe rastet e reja me koronavirus në 24 orët e fundit. Ministria e Shëndetësisë njoftoi këtë të dielë për 4 viktima të tjera, 3 prej të cilëve nga Tirana dhe një nga Fieri të moshave nga 49 në 85 vjeç.
Shkon kështu në 3089 numri i jetëve të humbura në vend që prej nisjes së pandemisë. Në raportimin e fundit u njoftua për 418 raste të reja infektimesh nga 2834 testime të kryera. 164 raste u gjetën në Tiranë që ndiqet nga Durrësi, Berati, Elbasani, Fieri dhe Vlora.
Në të gjithë vendin numërohen 7422 të sëmurë aktivë. Të larta mbeten edhe shifrat e pacientëve në spitale ku po marrin trajtim 152 persona nga të cilët 16 janë në gjendje më të rëndë. U shëruan në 24 orë 451 persona duke e çuar numrin e atyre që e kanë kaluar sëmundjen në mbi 189 mijë që nga fillimi i epidemisë.
Statistika (28 Nëntor 2021)
Raste të reja ditore 418
Të shëruar në 24 orë 451
Të shtruar në spitale 152
Humbje jete në 24 orë 4
Testime ditore 2,834
Testime totale 1,391,072
Raste pozitive 199,555
Raste të shëruara 189,044
Raste Aktive 7,422
Humbje jete 3,089
Shpërndarja gjeografike e rasteve aktive sipas qarqeve:
Tiranë 3,784
Fier 718
Gjirokastër 536
Shkodër 481
Berat 427
Durrës 411
Elbasan 336
Vlorë 240
Korçë 217
Lezhë 158
Dibër 65
Kukës 49
Tv Klan