PD me thirrjen e protestuesve: Rama jepe dorëheqjen! Manja bën ‘dirigjentin’, Balla i quan “flamingo nga Temu”

➤ Seanca plenare sot, 11 qershor, nisi me tensione e debate të nxitura nga projekti në Zvërnec dhe protestat qytetare. Në rendin e ditën ishte planifikuar zhvillimi i 6 interpelancave. Kryeministri Edi Rama nuk iu përgjigj thirrjes së opozitës për diskutime për aksin rrugor “Thumanë-Vorë-Kashar”. Gjithashtu ministri Besfort Lamallari refuzoi të komentonte ngjarjen ku ndërroi jetë në detyrë efektivi Enea Mekolli, pasi hetimet janë në vijim. Deputeti Agron Shehaj u përjashtua nga seanca pas debateve me tone të ashpra me ministrin Petrit Malaj.

➤ Socialisti Taulant Balla paralajmëroi se 4 projektligjet e paraqitura nga Partia Demokratike do të rrëzohen, duke i cilësuar të djathtët “flamingo nga Temu”. Nga ana tjetër, opozitarët shkuan me pankarta dhe nuk ngurruan të sjellin në Parlament thirrjen e protestuesve: Rama jepe dorëheqjen!! Një pjesë të mirë të përplasjeve mes PS e PD e zuri dhe lajmi i heqjes së “non gratës” për kryedemokratin Sali Berisha.

➤ Për çdo zhvillim nga salla e Kuvendit, shfletoni lajmet në tvklan.al!