NASA përcjell pamjet e drejtpërdrejta të eklipsit të rrallë diellor, që filloi mbi Oqeanin Paqësor për të kaluar mbi Meksikë, Shtetet e Bashkuara të Amerikës dhe Kanada.
Një eklips diellor ndodh kur Hëna kalon mes Diellit dhe Tokës dhe për një kohë të shkurtër mbulon të gjithë sipërfaqen e Diellit. Momenti kur Dielli do të zhduket pritet të zgjasë rreth 4 minuta.
Ky është eklipsi i dytë i plotë diellor që ndodh në këto 7 vjet (Lexo më shumë).
Çfarë është një eklips i plotë diellor?
Një eklips diellor ndodh kur Hëna e orienton veten mes Tokës dhe Diellit, duke e mbuluar sipërfaqen diellore nga shikimi ynë. Në terma kozmikë, është e pazakontë që kjo të ndodhë: Hëna është rreth 400 herë më e vogël se Dielli, por është rreth 400 herë më pranë nesh. Kjo do të thotë se kur dy trupat qiellorë rreshtohen, ato duken sikur të jenë me të njëjtën madhësi në qiell.
Eklipsi zgjat rreth 2 orë ose më shumë. Ai do të nisë me një eklips të pjesshëm të Diellit, teksa Hëna ha një copëz të vogël të skajit të Diellit, më pas konsumon gjithnjë e më shumë nga sipërfaqja e tij. Sipas Nasa-s, kjo mund të zgjasë kudo, nga 70 deri në 80 minuta.
Faza e eklipsit kur Hëna ka bllokuar tërësisht sipërfaqen e Diellit quhet totalitet. Ky është i vetmi event që mund të shihet me sy të lirë. Kohëzgjatja varion nga vendi. Disa vende mund ta shohin këtë fazë për më shumë se 4 minuta, të tjerë për vetëm 1 ose 2 minuta.
Gjatë fazës totale, qielli errësohet si të jetë natë dhe temperatura bie. Në këtë fazë janë dukshme rreze drite nga atmosfera e jashtme e diellit, ose siç njihen ndryshe, korona. Pas fazës totale, Dielli del ngadalë pas Hënës sërish duke nisur një tjetër eklips të pjesshëm që zgjat njësoj sa hera e parë. Hëna tërhiqet derisa Dielli kthehet me shndritjen e tij normale në qiellin tonë./tvklan.al
