Një aksident me vdekje është shënuar mëngjesin e kësaj të marte rreth orës 08:30, në aksin rrugor Shkodër-Lezhë, në vendin e quajtur Kryebushat, Vau Dejës.

Sipas njoftimit të policisë, mjeti tip Mercedez-Benz, me targë AA908LZ, i drejtuar nga shtetësia A. V. 38 vjeçe banuese në Mëlgushë, Vau Dejës, ka aksidentuar këmbësoren 46 vjeçare me inicialet Sh. Sh, banuese në Bushat, e cila ka ndërruar jetë në vendngjarje.

Drejtuesja e mjetit është në vendngjarje dhe po shoqërohet në ambientet e policisë Shkodër për veprime të mëtejshme.

Në vendngjarje po kryen veprimet grupi hetimor për sqarimin e rrethanave dhe shkakut të aksidentit.

/tvklan.al