Michel me Vuçiç, pritet një datë për takimi me Kurtin

Presidenti i Këshillit Europian Charles Michel po ndërmjetëson një zgjidhje për situatën e krijuar mes Kosovës dhe Serbisë pas ndalimit të përdorimit të dinarit serb. Lajmi u konfirmua nga presidenti serb Vuçiç pas bisedës telefonike me Brukselin. Vuçiç tha se është në pritje të ftesës që të shkojë në Bruksel, por ai nuk e di për çfarë do të diskutojnë, sepse Kurti nuk dëshiron që të flasë për bashkësinë e komunave serbe.

“Ne presim një ftesë që të shkojmë në Bruksel, por nuk dimë për çfarë të flasim, sepse Kurti nuk dëshiron qe të flasë për bashkësinë e komunave serbe ndaj dhe po mban te ndaluar dinarin. Duhet qe të gjendet nje zgjidhje në ditët në vijim, sepse serbët në Kosovë duhet të marrin pagat e tyre”, tha Vuçiç.

Vuçiç ka përsëritur qëndrimin se nuk mund ta përmbushë kërkesën e Brukselit për pranimin e Kosovës në institucionet ndërkombëtare, gjë për të cilën ishte rënë dakord në Ohër. Duke komentuar kërkesat për hetim ndërkombëtar për zgjedhjet e 17 dhjetorit, Vuçiç tha se autoritet kompetent në këtë vend është Republika e Serbisë, si shtet i pavarur dhe sovran.

Klan News