Zikaltrit synojnë të shënojnë në ndeshjen e 30 radhazi në kampionat
Interi i këtij sezoni pritet të mbahet mend gjatë në librat e historisë. Rrugëtimi drejt titullit kampion po shkon drejt finishit, me skuadrën e teknikut Simone Inzaghi që gjendet 14 pikë më shumë nga rivali më i afërt, Milan. Shifër që i jep të drejtë zikaltërve për të alternuar forcat, por jo të heq këmbën nga gazi me objektiv vendosjen e rekordeve.
Inter ka arritur të mposhtë portierin kundërshtarë në të 29-të ndeshjet e deritanishme dhe ajo ndaj Empolit këtë fundjavë mund ta barazojë me shifrat e regjistruara nga Juventusi i Antonio Contes në sezonin 2013-2014.
Bardhezinjtë janë të vetmit që kanë shënuar në 30 ndeshje radhazi në kampionatin italian, rekorde që mund të thyhet nga Interi i këtij sezonit. Ajo që mbetet thuajse e pamundur është numri i pikëve, 102 regjistruar edhe ky nga Juventusi i atij sezoni. Matematikisht, Inter ka shanse reale për të kompletuar këtë objektiv, pasi skuadra e Inzaghi është në lojë për të arritur në 103 pikë.
Deri tani, zikaltërit kanë treguar edhe efikasitet, pasi kanë gjetur rrugën e golit me 16 lojtarë të ndryshëm, për ta ndarë vendin e parë në këtë renditje speciale me Fiorentinën. Lautaro është golashënuesi më i mirë i skuadrës me 23 gola në 26 ndeshje të luajtura në Serie A (2 të humbura për shkak dëmtimi dhe një për shkak të zgjedhjes teknike.
Në teori argjentinasi është ende në garë për të barazuar rekordin prej 36 golave të vendosur nga Higuain dhe Immobile, por ai ka nevojë për 13 gola në 9 ndeshje.
Klan News