Luka Modric tek Inter vijon të jetë një ide sipas mediave sportive. Mesfushori kroat nuk ka hedhur ende firmën mbi kontratën e re me Real Madrid dhe kjo është një shenjë që mund të largohet në Janar.
Një lëvizje e tillë shikohet si e mundshme edhe pas lajmit të publikuar nga sportive portugeze “A Bola” që Real është i interesuar për të afruar meksikanin Herrera.
Ai shikohet si një zëvendësues i Luka Modric. Në Janar, Inter do të ketë më pak pengesa nga UEFA në lidhje me shpenzimet. Real Madrid nuk e lejoi kroatin të largohet gjatë merkatos së verës, edhe pse drejtuesit e Inter e kërkuan me ngulm mesfushorin 33-vjeçar.
Oferta për Luka Modric ishte 10 milionë euro në sezon për 4 vite me pagën që do të rritej kur të kalonte në kampionatin kinez te skuadra në pronësi të grupit Suning që zotëron Inter.
Tv Klan
