Lajme Arkiva 2004

Ndërkohë që kryetari i Partisë Demokratike Sali Berisha i bën ftesë partive opozitare të marrin pjesë nëpër protestat qytetare, kryetari i Partisë Demokrate të Re Genc Pollo, lë të kuptohet se nuk do të mbështesë këtë lëvizje të Partisë Demokratike.

 Gazetarja: “Do ti bashkëngjiteni protestave?”

Genc Pollo: “Gjithkush ndjek rrugët e veta, gjithkush ka përvojën e tij të gabimeve, sukseseve, mos sukseseve dhe unë nuk do t dëshiroja që të kemi përsëritje të mossukseseve, megjithatë ajo që do të bëjmë ne si forcë  e qendrës së djathtë, është që aty ku shikojmë se qeveria socialiste që pretendohet si e ekonomisë së lirë  me fakte vepron në mënyrë të tillë që asfikson ekonominë e lirë, ne e para duhet ta denoncojmë dhe e dyta duhet të tregojmë se si bëhet korrigjimi”.

Gjithashtu Pollo denoncon rritjen e çmimit të bukës.

Genc Pollo: “Rritja e çmimit  të bukës është krejt abuzive, ajo që ka ndodhur sot nuk rrjedh nga rritja e çmimit të miellit në tregjet ndërkombëtare, por nga tre grosistë, apo 4 grosistë që me dashamirësinë e qeveris po krijojmë monopolin dh i vendosin çmimet sipas qejfit për përfitime maksimale”./tvklan.al