Me vendim të Prokurorisë Themelore në Pejë, Policia e Kosovs ka kryer të enjten disa bastisje në Pejë, Klinë dhe Istog, pas dyshimeve se disa zyrtarë komunalë kanë keqpërdorur pozitën zyrtare, lidhur me disa ndërtime të paligjshme.

“Për këto veprime në teren janë angazhuar pesë prokurorë të shtetit nga Kryeprokurori i Prokurorisë Themelore në Pejë, në koordinim me Njësitin e Krimeve Ekonomike dhe Korrupsionit në Prishtinë”, është thënë në komunikatë.

Hollësitë lidhur me këtë aksion, pritet të bëhen të ditura më vonë gjatë ditës./REL