Saranda Hoda – Gazetare dhe pjesë e Ansambles së Gjakovës
Elona Kuburja ishte një adoleshente plot jetë dhe që e dashuronte atë, por fatkeqësisht nuk mundi ta përballonte dot sëmundjen e rëndë që i mori jetën në moshën 15-vjeçare. Ajo vuante nga sëmundja e rrallë e quajtur Hemangioma, një tumor beninj që prek enët e gjakut dhe shkakton hemoragji të rëndë.
Historia e trishtë e 15-vjeçares u bë publike pas apelit të familjarëve në televizion ku kërkonin ndihmë për të shpëtuar vajzën e tyre. Një vit përpara se rasti të bëhej publik në media, vajza i ishte nënshtruar një ndërhyrje në Beograd, por trajtimet nuk zgjatën shumë. Një muaj më parë vajza mbërriti në qendrën spitalore të QSUT me hemoragji të mëdha. Mjekët që e pritën në urgjencë nuk e njihnin si sëmundje, por u detyruan ta operonin për t’i shpëtuar jetën vajzës dhe mundën që t’i ndalnin hemoragjinë.
Ata dhanë alarmin se vajza duhej trajtuar urgjentisht jashtë vendit, por pavarësisht apelit të mjekëve, vajza qëndroi edhe për 8 ditë të tjera në spital për shkak të pamundësive ekonomike. Familja i bëri apel qytetarëve dhe Ministrisë së Shëndetësisë për ndihmë. Kur mjekët nuk i kishin dhënë më shumë se 24 orë jetë, familja u detyrua që me paratë e marra borxh dhe ndihmat e qytetarëve ta niste drejt një spitali privat në Turqi, për kurim të specializuar.
Në të njëjtën ditë që vajza u nis në Turqi, Ministria e Shëndetësisë deklaroi se do të merrte përsipër rastin e 15-vjeçares. Fatkeqësisht ajo nuk arriti të mbijetonte dhe mëngjesin e së dielës, më 15 Shtator ajo ndërroi jetë në Turqi duke lënë pas dhimbje dhe lot jo vetëm për familjarët, por për këdo që njohu historinë e saj./tvklan.al
Merita Halili – Këngëtare
Ajo është një nga emrat më të dashur të muzikës popullore qytetare dhe një zë i bukur i Shqipërisë së mesme. Bëhet fjalë pikërisht për këngëtaren e mirënjohur Merita Halili,e cila do të rikthehet me këngë në Tiranë, pas më shumë se 20 vjetësh. Ajo do të japë një koncert recital të sajin, titulluar sipas këngës që e bëri të njohur, “Lule t’bukura ka Tirona”. Recital i “bilbilit” të Shqipërisë së mesme me Ansamblin Popullor do të mbahet në 27 dhe 28 shtator, ora 19:00 në Pallatin e Kongreseve. Sot ajo ishte e ftuar në emisionin “Rudina” në Tv Klan së bashku me partnerin e saj në jetë, por edhe në skenë, bashkëshortin Raif Hyseni, i cili do ta shoqërojë së bashku me grupin e Ansamblit të Këngëve dhe Valleve me firzamonikë.
“Tjetër emocion të jep publiku i Tiranës, më ka munguar shumë. Unë do jap maksimumin dhe do jap maksimumin dhe do të shpreh të gjitha vlerat që kanë këngët e mia që janë bërë hit gjatë gjithë këtyre viteve”, tha Merita Halili.
“Ne sa herë vijmë në Shqipëri kemi një kënaqësi shumë të madhe. Është një ngjarje shumë e rëndësishme për Meritën dhe për mua. Pas 20 vitesh aktivitet që kemi pasur në SHBA, vijmë me një eksperiencë tjetër ku do të jemi bashkë me Ansamblin e Shtetit dhe falenderojmë orkestrën dhe muzikantët që kanë bërë një punë fantastike. Është një koncert i veçantë sepse ne nuk bëjmë koncerte shpesh këtu. Është për tu falënderuar Zana Çela gjithashtu që na ofroi mbështetje sepse ne kemi tentuar edhe më përpara. Besoj që kemi bërë një përzgjedhje shumë të mirë të të gjitha trevave për këtë recital të Meritës”, tha Raif Hyseni./tvklan.al
Demir Gjergjin – Gazetarë/Shkrimtarë
