Kompania britanike Royal Mail e mori këtë vendim për të vlerësuar një prej artistëve më ikonë të kohërave
Paul McCartney ka hite të shumta dhe madje çmime. Tani ish-pjesëtari i The Beatles do të ketë edhe një grup të personalizuar pullash në listën e tij të gjatë të vlerësimeve.
Royal Mail i Britanisë ka bërë të ditur se do të lëshojë një sërë 12 pullash që përshkruajnë jetën e McCartney dhe punën e tij. Sipas asaj që raporton Reuters kjo vjen si një vlerësim për një prej artistëve më ikonë dhe më të qëndrueshëm të muzikës të të gjitha kohërave.
Tetë prej pullave do të tregojnë imazhet e kopertinave të albumeve të këngëtarit, nga debutimi i tij në vitin 1970 në albumin solo “McCartney” deri te “McCartney III” i vitit të kaluar. Katër të tjerët, në një fletë miniaturë, paraqesin fotografi të 18 herë fituesit të Çmimit Grammy duke regjistruar muzikë.
Paul McCartney mbetet një figurë jetike në qendër të rock dhe pop trashëgimia e të cilit është e pamasë, por puna e të cilit vazhdon të gjenerojë vëmendje të popullarizuar dhe vlerësime kritike.
Royal Mail tha se kishte punuar me McCartney me pullat, të cilat dalin në shitje më 28 Maj me çmim prej 16.20 Paund për kompletin e plotë.
McCartney bashkohet me David Boëie dhe Elton John si të vetmit artistë të tjerë individualë të muzikës që shfaqen me një grup të personalizuar pullash.
Klan News
