Grupi i të drejtave të njeriut kërkon që BE të gjejë një port ku të vendosen 572 emigrantët që ndodhen në anijen “Ocean Viking”
Një grup për të drejtat e njeriut i ka kërkuar Bashkimit Evropian të gjejë një port ku mund të vendosen qindra emigrantë që janë shpëtuar në Mesdhe gjatë ditëve të fundit.
Rreth 572 njerëz, përfshirë 183 të mitur, janë aktualisht në bordin e anijes Ocean Viking, ka bërë të ditur organizata SOS Mediterranee pasi i shpëtoi ata në gjashtë operacione në zonat malteze dhe libiane.
Grupi tha se autoritetet detare italiane nuk kishin ndihmuar në operacione dhe i kërkuan Bashkimit Evropian të ndërhynte. Deklarata nuk dha detaje se ku ishte anija, por faqja e internetit e marinetraffic.com dha pozicionin e saj midis Maltës dhe Siçilisë.
Nisjet e anijeve emigratore nga Afrika e Veriut drejt Evropës janë rritur në 2021 pas një rënieje në vitet e mëparshme. Shumë emigrantë kanë vdekur ditët e fundit pas mbytjes së anijeve ndërsa u përpoqën të kalonin Mesdheun për të arritur Italinë, një nga rrugët kryesore për në Evropë.
Pothuajse 19,800 emigrantë kanë mbërritur që nga fillimi i vitit. Shumë prej tyre që largohen nga konflikti dhe varfëria në Afrikë dhe Lindjen e Mesme, pak më shumë se 6,700 në të njëjtën periudhë të vitit të kaluar.
Klan News
