Presidenti Ilir Meta nuk u paraqit të martën për t’u pyetur në komisionin hetimor parlamentar që po heton kreun e shtetit për shkelje të rëndë të Kushtetutës me deklaratat e tij para dhe gjatë fushatës elektorale.
Arsyet kreu i shteti zgjodhi t’i adresonte një letër drejtuar Kryeparlamentarit Gramoz Ruçi. Meta Komisionin Hetimor për shkarkimin e tij e cilëson antikushtetues dhe në shkelje me Rregulloren e Kuvendit. Për të ai është produkt i një veprimtarie parlamentare fiktive, duke krijuar një strukturë hetimore që nuk ka asnjë legjitimitet për të vepruar.
Por kreu i komisionit hetimor Alket Hyseni i dha një tjetër mundësi kreut të shtetit për t’u paraqitur në komisionin.
Në mbledhje, anëtarët e komisionit shqyrtuan deklaratat e Presidentit të sjella nga AMA, veçanërisht ato që kishin të bënin me deklaratat e tij ndaj ambasadores amerikane në Shqipëri dhe marrëdhënieve Shqipëri-SHBA.
Si pjesë e hetimit është përfshirë dhe dekretet presidenciale për dhënie shtetësie.
Tv Klan