Lojërat e Korrikut 2020 nuk do të shtyhen, vendimi i Komitetit Olimpik
Pavarësisht se ka shtyrë për një afat të pacaktuar kualifikueset, Komiteti Olimpik Ndërkombëtar është i bindur se Olimpiada e programuar për t’u mbajtur në Tokio duke nisur nga 24 Korriku do të zhvillohet normalisht.
Përmes
një njoftimi në faqen zyrtare të saj, thuhet se pas këshillimit me të gjithë
aktorët, si Federata Olimpike Ndërkombëtare, Komiteti Olimpik Kombëtar, Përfaqësuesit
e Atletëve dhe Komiteti Ndërkombëtar i Paralimpikës, kanë vendosur që të jenë
të palëkundur për zhvillimin e Lojërave Olimpike Tokio 2020.
Më tej thuhet se me më shumë se katër muaj para Lojërave, nuk ka nevojë të
marrë vendime drastike në këtë kohë dhe sqaron se çdo spekulim do të ishte
kundërproduktiv. Turneu më i madh multisportiv është parashikuar të mbahet nga
data 24 Korrik deri më 9 Gusht.
Por tashmë, Olimpiada duket se do të mbahet normalisht, duke u bërë edhe turneu i parë sportiv që nuk prish planet pas shpërthimit të COVID-19. Vendimi merret vetëm pak orë pasi UEFA vendosi të shtyjë Europianin 2020 për një vit më vonë.
Klan Plus
