OPINION – MONIKA KRYEMADHI!

Të ftuar:

Monika Kryemadhi – Kryetarja e Lëvizjes Socialiste për Integrim

Kryetarja e Lëvizjes Socialiste për Integrim, Monika Kryemadhi, tha mbrëmjen e së mërkurës në “Opinion”, se vendi mund të shkojë në zgjedhje të përgjithshme të parakohshme në fund të muajit Maj.

Monika Kryemadhi: Unë mendoj që PS po përgatitet për zgjedhje të parakohshme në fund të muajit Maj. Zgjedhjet lokale do t’i shtyjë për Shtator-Tetor. Asnjë kryebashkiak nuk do të pranonte të hynte në zgjedhje në këtë situatë.

Fevziu: Rama tha se do t’i fitojë të gjitha 61 bashkitë.

Monika Kryemadhi: Po shumë mirë, le t’i fitojë. Edhe Enver Hoxha i fitoi të gjitha…

Fevziu: Ju do të futeni në zgjedhje lokale?

Monika Kryemadhi: Unë mendoj se është shumë herët për të folur për të vetmen arsye se sot jemi në një ngërç të kapjes së institucionit të parlamentit.

Kryetarja e LSI-së tha se “Edi Rama nuk rrëzohet duke bërë protesta paqësore. Në po sensibilizojmë opinion publik”, ndërsa në krahun tjetër shtoi se opozita po menaxhon “në mënyrën më stoike urrejtjen e qytetarëve ndaj Ramës.”

Kryemadhi tha se është e gatshme të largohet nga politika nëse Kryeministri Rama është në gjendje të mbledhë po aq njerëz sa opozita mblodhi më 16 Shkurt.

E ashpër në reagimin e saj ndaj europarlamentarit Knut Fleckenstein ishte mbrëmjen e së mërkurës në “Opinion”, kryetarja e Lëvizjes Socialiste për Integrim, Monika Kryemadhi.

E pyetur nga gazetari Blendi Feviu lidhur me deklaratat e raportuesit për Shqipërinë në Parlamentin Europian, Knut Fleckenstein, i cili sipas deklaratës së Kuvendit të Shqipërisë, në takimin me Kryeparlamentarin Ruçi ka thënë se “Zonja e Parë” e vendit nuk duhet të pengojë negociatat.

Fevziu: A mendoni se po pengoni integrimin e Shqipërisë? Jua tha zoti Fleckenstein, i bëj thirrje Zonjës së Parë të mos ndalojë Integrimin.

Kryemadhi: Unë mendoj që deklarata e Fleckenstein është, është gjuhë shumë vulgare. Fleckenstein duhet të kuptojë që nuk është zot i shtëpisë së vet këtu, sepse shqiptarët kanë zot. E dyta, uroj që Zoti Fleckestein të jetë kandidat sërish dhe e treta, sa certifikata lindjeje ka zoti Fleckenstein tek shtëpia e vet, ne kemi diploma universiteti, pavarësisht se janë apo s’janë universitete shqiptare, ta dijë se nuk janë universitetet që ka mbyllur Edi Rama. Zoti Fleckenstein e para e punës uroj që të ketë qenë esëll kur e ka bërë atë deklaratë, e dyta i kam kërkuar Komisionit Europian të sqarojë nëse është e vërtetë deklarata apo jo. Jo, nuk e tha live në Tv, e nxori Kuvendi i Shqipërisë si deklaratë, live tha Kryetarja e LSI-së. Unë po pres reagimin zyrtar nëse është e vërtetë. Por nuk më shqetëson fare, çdo grua shqiptare është zonjë e parë.

Kryemadhi tha se 58 për qind e shqiptarëve nuk mendojnë se këtë krizë mund ta zgjidhin ndërkombëtarët.

Në lidhje me takimin, për të cilin Fleckenstein tha se kishte mbetur i zhgënjyer nga kryetarja e LSI-së, Kryemadhi tha se eurodeputeti ishte ngritur nga tavolina kur i kishte përmendur dosjen 339 dhe bandat e drogës.

“Fleckenstein kur ishim në takim, kur u diskutua dosja 339 u çua nga tavolina dhe iku. Nuk e di pse, unë di të them që edhe kur përmenda bandat e drogës, të trafikut të drogës të Hamburgut ,ajo siç duket e irritoi më shumë seç duhet. Nuk duhet të harrojmë që zoti Fleckenstein është eurodeputet nga Hamburgu dhe ndoshta mund t’i ketë bërë ndonjë premtim zoti Rama që gjithë kontingjenti shqiptar i zotit Rama që punon dhe jeton në Hamburg t’i shërbejë zotit Knut për vota”.

Monika Kryemadhi pranon se bashkëshorti i saj, Presidenti Ilir Meta nuk është dakord me qëndrimin që po mban partia e drejtuar prej saj. Në një intervistë për gazetarin Blendi Fevziu, në studion e “Opinion”, Kryemadhi tha se nëse në krye të LSI do të kishte qenë ende Meta, deputetët e kësaj force politike nuk do t’i kishin djegur mandatet e tyre.

“Shumë njerëz zhgënjehen nga deklaratat e mia. Normal që Meta do të jetë i pakënaqur nga vendimet radikale të Lëvizjes Socialiste për Integrim, sepse gjithmonë LSI për Partinë Socialiste dhe për Edi Ramën, ka qenë si një valvul shkarkimi e tensionit dhe e konfliktit.”

Pra ju po thoni që Ilir Meta ka qenë valvul për Edi Ramën?

“Po, Ilir Meta gjithmonë i ka krijuar shanset dhe mundësitë Edi Ramës për të kaluar ngërçet kur ka bërë gafa të tilla. Por unë mendoj se fenomeni Edi Rama duhet të mbarojë tashmë, jo vetëm për Ramën, por për këdo tjetër që kërkon të ndërtojë një institucion të liderit të fortë. Shqipëria nuk ka më nevojë për lider të fortë, ka nevojë për shtet të fortë dhe institucione të forta”.

Pra ju nuk jeni dakord me deklaratat e Presidentit?

“Absolutisht nuk jam dakord me deklaratën e Presidentit. Zoti President ka shumë të drejtë që mendon dhe ky është opinioni i tij, por ajo që unë mendoj është se Zoti President duhet të marrë përgjegjësitë e tij për situatën në të cilën gjendet sot Shqipëria. Mungesa e Gjykatës Kushtetuese… sepse kush e detyron opozitën të largohet na parlamenti, mungesa e Gjykatës Kushtetuese. Zoti President e ktheu ligjin për teatrin 2 herë, ku mund të ankimohemi ne pa Gjykatën Kushtetuese për ligjin për teatrin?”

Jo Presidenti i Republikës, por Ilir Meta, çfarë mendimi ka kur ju flisni me të? Mban qëndrimin mosaprovues ndaj jush si President për hir të postit që ka, apo realisht e mendon ashtu?

“Jo realisht e mendon ashtu, sepse Ilir Meta është njeri i institucioneve dhe do që ne ta ushtrojmë funksionon tonë në institucion. Po të kishte qenë ai kryetar i LSI, nuk do t’i kishte djegur mandatet. Jam shumë dakord me logjikën e Ilir Metës, nëse përballë do të kishte një njeri të logjikshëm. Por nëse përballë ke një të çmendur, ke vetëm dy rrugë, ose gjilpërën ose elektroshokun.”

Më tej, Kryemadhi e akuzoi Kryeministrin Rama se ka darkuar me banda kriminale dhe sipas saj këto takime janë regjistruar nga ish-Ministri Saimir Tahiri. Kryetarja e LSI tha se Tahiri e kërcënon Ramën pikërisht me këto pamje.

“Po mund t’i thuash i çmendur, sepse një Kryeministër që merr pronën e shtetit dhe thotë do të ndërtoj kullën këtu… një Kryeministër që darkon dhe regjistrohet nga ish-Ministri i Brendshëm me banda kriminale që janë në kërkim në vendet e tjera.”

Nga cili ish-Ministër i Brendshëm është regjistruar?

“Nga Saimir Tahiri… me këtë e kërcënon Saimir Tahiri Edi Ramën. Dhe akoma aparati me të cilin e ka regjistruar Tahiri është në Ambasadën italiane, e mban ambasadori italian. Gruaja e tij, që ka qenë këshilltare e ish-Minitrit të Drejtësisë bëri deklaratën atëherë, që ishte dakord me ekstradimin e Naser Seitit, që për këtë do të mbajnë përgjegjësi ata që e firmosën ekstradimin e tij… Është një histori kaq e koklavitur”.