Irani është në mesin e atyre vendeve që informoi Rusinë për mundësinë e një “operacioni të madh terrorist” përpara masakrës së sallës së koncerteve pranë Moskës muajin e kaluar.
“Ditë përpara sulmit në Rusi, Teherani ndau informacione me Moskën për një sulm të mundshëm të madh terrorist brenda Rusisë, i cili ishte marrë gjatë marrjes në pyetje të të arrestuarve në lidhje me bombat vdekjeprurëse në Iran”, thuhet në media.
Ministria e Inteligjencës e Iranit tha në janar se kishte arrestuar 35 persona të lidhur me dy sulmet me bomba më 3 janar në qytetin juglindor të Kermanit që vranë rreth 100 njerëz. Më 19 janar, ministria tha se kishte arrestuar një komandant të degës së Shtetit Islamik me bazë në Afganistan, ISIS-Khorasan.
Duke sfiduar pohimet e SHBA-së, Rusia ka deklaruar se Ukraina ishte e lidhur me sulmin, pa ofruar prova. Moska dhe Teherani, të dyja nën sanksionet perëndimore, kanë thelluar bashkëpunimin ushtarak dhe të tjera që kur Rusia nisi agresionin në Ukrainë në shkurt 2022.
144 viktima u regjistruan në atë që konsiderohet sulmi më vdekjeprurës në 20 vite. Disa persona të armatosur hapën zjarr ndaj pjesëmarrësve në koncertin e 22 marsit në sallën e qytetit Crocus. Përgjegjësinë për sulmin e mori grupi terrorist ISIS-K.
Klan News
