Mediat spanjolle aludojnë për një lëvizje në 2021
Lionel Messi mund t’i thotë lamtumirë Barcelona në 2021. Ky është lajmi që po qarkullon në mediat spanjolle i përhapur nga radio “Cadena Ser”, që shton se argjentinasi është mërzitur me situatën në klubin katalanas.
Marrëdhëniet e tij me trajnerin Quique Setien nuk janë të mira. Situata e krijuar ka ndërprerë bisedimet për rinovimin e kontratës së Messi-t, që do të zgjatej deri në 2023. Nëse Messi largohet do të jetë një lëvizje e bujshme. Ky sezon te Barcelona nuk po shkon siç duhet, pasi problemet në klub po reflektohen në fushë.
Real Madrid është 4 pikë larg në krye duke vënë në diskutim titullin kampion. Barça po udhëhiqte deri para disa javësh renditjen që u përmbys pas gabimeve në takimet e fundit.
Tv Klan
