Një turist francez është detyruar të paguajë një gjobë prej 1,200$ pasi vodhi në një plazh të Sardenjës 1.8 kg rërë.
Rëra e bardhë idilike e ishullit italian është e mbrojtur dhe turistët përballen me gjoba dhe madje me burg për heqjen e saj nga plazhet lokale.
Burri pa emër u kap në aeroportin e Cagliari Elmas më 1 shtator me një shishe që mbante rërë. Një zëdhënës i Forest Rangers të ishullit tha për CNN: “Shishja u konfiskua dhe tani është në sallën tonë të operacionit, ku ne mbajmë këto sende të konfiskuara. Në fund të vitit zakonisht kemi shumë shishe rërë të akumuluara.”
Në vitin 2017, u prezantua një ligj rajonal që e bënte të paligjshme marrjen e rërës nga plazhet e Sardenjës.
Gjobat variojnë midis 500 dhe 3,000 € (600 $ – 3,550 dollarë), varet nga sasia e marrë dhe nga është vendi ku është marrë.
Këto rregulla u vendosën sepse incidente të tilla po bëheshin gjithnjë e më të shpeshta e problematike.
Plazhet me rërë me ngjyrë rozë ose shumë të bardhë janë veçanërisht të shënjestruara.
Vitin e kaluar u gjet një faqe në internet që shiste rërën si suvenire. Është bërë një fenomen shumë i njohur në Evropë.
Vitin e kaluar, policia kapi 40 kg rërë nga një çift francez që vizitonte ishullin. Një banor britanik u gjobit me më shumë se $ 1,000 në 2018, kur autoritetet zbuluan rërën e marrë nga një plazh pranë qytetit verior të Olbia. /tvklan.al
