Lajme Arkiva – TV Klan 2000
Ceremonia e hapjes së aktivitetit “Kthim në Identitet”, nisi në sheshin “Nënë Tereza” në orën 18. Në këtë ceremoni merrnin pjesë kryeministri shqiptar Ilir Meta dhe ministra të tjerë të kabinetit të tij, si dhe përfaqësues të trupit diplomatik të akredituar në Tiranë.
Më pas u vazhdua me përurimin e monumenteve në godinën e Kryeministrisë. Pas kësaj të pranishmit në bulevardin “Dëshmorët e Kombit” iu drejtuan bllokut të ministrive për përurimin e rikonstruktimit të tyre. Një ekspozitë vijoi këtë ceremoni, me fotografi të vjetra dhe të reja të Tiranës. Në fund kjo ceremoni përfundoi më shpejt se sa ishte parashikuar, pasi Bashkia e Tiranës, nuk arriti të bënte të mundur lidhjen e dritave në shesh./tvklan.al
Gazetare – Fjodora Fjora
