104 vite burg për bandën që grabiti blindat me para

104 vite burg për bandën që grabiti blindat me para

14:35 26/03/2019

Gjykata e Krimeve të Rënda ka dënuar me 104 vite burg 8 të akuzuarit për grabitjen e parave të tre bankave. Ata ishin pjesë e një grupi strukturuar kriminal që drejtohej nga Admir Murataj, i cili është në kërkim. Vendimi ndaj tij nuk është marrë ende pasi do të gjykohet veçmas nga anëtarët e tjerë.

Në tre ngjarjet kriminale, ky grup grabiti rreth 7 milionë Euro. Ditjon Memlika dhe Admir Çerpja ishin personat që bashkëpunuan me drejtësinë të cilët zbardhën rolet e të gjithë anëtarëve të grupit.

Grabitja e parë ndodhi më 12 Shkurt të 2015 në një bankë të nivelit të dytë afër stacionit të “Trenit” në Tiranë. Nën kërcënimin e armëve u morën 900 mijë Franga Zvicerane si dhe 800 mijë Paund Britanik.

Në Dhjetor të po këtij viti, këta persona grabitën në Qafë-Kashar një blind që po transportonte 3 milionë Euro.

Ndërsa në Shkurt të 2017-ës i njëjti grup grabiti në rrugën e Rinasit 3.2 milionë Euro duke goditur me një mjet, makinën e blinduar që transportonte paratë.

Dënimet  për grabitësit:

Dash Kupa  18 vite

Ernest Kupa  17 vite e 4 muaj

 Neim Avdylaj me 17 vite e 4 muaj

 Fatjon Xhyliu me 14 vite

Dritan Sinani me 13 vite e 4 muaj

 Aleksandër Murataj me 12 vite e 8 muaj

 Ditjon Memlika  5 vite e 8 muaj

Admir Çerpja me 5 vite e 8 muaj

Tv Klan

LAJMET
Të ngjashme
KPT
KPT
UKT