Prej disa ditësh përflitet se Miley Cyrus dhe ish – i fejuari i saj Liam Hemsworth kanë rigjetur njëri – tjetrin.
Këto zëra janë shtuar edhe më shumë pasi këngëtarja u pa me unazë diamanti në gishtin e fejesës, tepër e ngjashmë me atë që Liam i kishte dhuruar dikur.
Ish – ylli i Disney –t u fotografua nga paparacët në aeroportin “JFK” në New York dhe nuk u kujdes aspak për ta fshehur diamantin që mbante në gisht.
Madje Miley postoi edhe një foto në profilin e saj në Instagram duke i treguar fansave unazën, por pa dhënë asnjë detaj rreth saj.
Aktori 26 – vjeçar, Liam Hemsworth, i propozoi për martesë Cyrus në 2012 – ën me një unazë 3.5 karatëshe. Dyshja u nda një vit më vonë.
Megjithatë mediat rozë shkruajnë se ata janë rilidhur. Ata mësohet se e kaluan natën e ndërrimit të viteve bashkë, ndërsa janë parë duke u puthur teksa ndodheshin në një festival muzike në Australi. /tvklan.al
