Një 61-vjeçar është vënë në pranga për drejtim të automjetit në mënyrë të parregullt. Bëhet me dije se 61-vjeçari me iniciale P.Ç. ishte në gjendje të dehur dhe drejtonte automjetin tip Renault në aksin rrugor Novoselë – Akërni në Vlorë.
Policia thotë se për shkak të gjendjes së tij, 61-vjeçari i jepte gaz makinës në mënyrë të pakontrolluar, duke shkaktuar djegien e motorit dhe shpërthimin në flakë.
Për pasojë u dogj e gjithë makina, por 61-vjeçari fatmirësisht shpëtoi pa pasoja. Ai u arrestua për drejtim të automjetit në mënyrë të parregullt. /tvklan.al
