Që mosha është thjeshtë një numër po konfirmohet gjithnjë e më shumë në botën e futbollit. Ai që ka befasuar së fundmi është legjenda e futbollit brazilian, Romario. Pas më shumë se 15 vitesh nga pensionimi, fituesi i Kupës së Botës 1994 është regjistruar si futbollist i America Football Club në Rio de Zhaneiro.
Skuadra që zotërohet prej tij do e rikthejë atë në fushën e lojës, ku mungon që prej vitit 2009. Romario tani është regjistruar si lojtar për Klubin e Futbollit Amerikan, ku ai shërben si president dhe gjithashtu luan djali i tij, Romarinho. Ai e ka bërë të qartë se të luajë me djalin dhe për ekipin e tij “të preferuar” është motivimi i tij kryesor.
“Unë nuk do të garoj në kampionat, por do të luaj disa ndeshje për ekipin e zemrës dhe do të bëj realitet një ëndërr tjetër, duke luajtur përkrah djalit tim”, ka shkruajtur braziliani në rrjetet e tij sociale.
Klubi Amerikan i Futbollit aktualisht luan në divizionin e dytë të rajonit të Rio de Zhaneiro të Brazilit dhe po përgatitet për fillimin e një sezoni të ri që fillon më 18 Maj. Mbetet për t’u parë se kur do të debutojë Romario për klubin, për t’ia shtuar këtu CV së tij të pasur.
Braziliani ka një karrierë të suksesshme si lojtar, duke fituar Kupën e Botës në 1994 dhe luajtur për skuadrën holandeze PSV dhe gjigantët e La Ligës spanjolle, Barcelona.
Klan News
