Modelja mes lotëve: Doja t’i ngjaja nënës sa thoji i gishtit të këmbës, por…



Modelja mes lotëve: Doja t’i ngjaja nënës sa thoji i gishtit të këmbës, por…

14:43 25/09/2020

Përpara 6 vitesh Emina Cunmulaj ka humbur nënën e saj, emrin e së cilës ia ka vënë si emër të dytë vajzës së saj të madhe.

Humbjen e nënës së ndjerë e ka përjetuar shumë dhe mungesën e saj e ndjen ende dhe pse e konsideron tashmë si një engjëll që e shoqëron dhe bekon në çdo hap të jetës së saj.

E ftuar për një intervistë ekskluzive për emisionin “Historia ime” në Tv Klan, ajo është përlotur kur është pyetur për nënën e saj të cilën e konsideron si njeriun më të fortë dhe me shpirtin më të madh në botë.

Emina Cunmulaj: Nëna ime është një engjëll që më ndjek gjithmonë me vete, kudo që shkoj. Është femra më e fortë në këtë botë. Ka luftuar për gjithçka, së pari për veten, pastaj për 6 fëmijët, ndoshta shumë njerëz më thonë pse i bën ti këto gjëra, pse i ndihmon njerëzit, por unë nuk di ndryshe. Mami im ka patur shpirtin më të bardhë në këtë botë.

Mirela Milori: Mami jot është kaq krenare për ty sepse e ka lënë atë shpirtin e bardhë ty dhe ti je një vajzë me shpirt kristal.

Emina Cunmulaj: Unë them ta kisha vetëm thojin e gishtit të këmbës siç e ka pasur ajo, por nuk e kam.

Mirela Milori: Unë mesa të njoh dhe mesa kam parë, di të them që ti ke një shpirt kristal. /tvklan.al




Të ngjashme