Policia Rrugore Tiranë ka bërë bilancin e javës që lamë pas. Përmes një njoftimi, policia njofton se janë arrestuar dhe proceduar penalisht 17 persona për vepra të ndryshme në fushën e qarkullimit rrugor. Gjatë javës, janë vendosur 11 mijë e 910 masa administrative, ku dominojnë ato për qëndrim të gabuar: 8 mijë e 409 të tilla.
Masat administrative:
43 masa për xhama të zinj.
834 masa për shpejtësi mbi normat e lejuara.
258 masa për përdorim celulari gjatë drejtimit të mjetit.
476 masa për mos vendosjen e rripit të sigurimit.
35 masa për mosrespektim të sinjalit “Stop”.
8409 masa për qëndrim të gabuar.
Pezullime dhe bllokime:
7 raste pezullimi për drejtim nën ndikimin e alkoolit.
61 raste për tejkalim shpejtësie.
8 automjete u bllokuan, ndër të cilat 4 me targa të huaja.
/tvklan.al
