Ragmi Mustafa: Bashkimi me Kosovën shpëton Luginën nga braktisja

Propozimi i presidentit kosovar Hashim Thaçi për korrigjimin e kufijve mes Kosovës dhe Serbisë mbështetet edhe nga politikanët shqiptarë të luginës së Preshevës. Ish-kryetar i komunës së Preshevës, Ragmi Mustafa, që drejton Partinë Demokratike të shqiptarëve të Luginës kërkon që zona e tyre t’i bashkangjitet territorit kosovar, edhe nëse për këtë nevojitet shkëmbim territoresh mes Kosovës dhe Serbisë.

“Në këtë fushë edhe mund të bëhet një rishikim i kufijve, sepse ata nëse nuk duan të jenë në Kosovë sikurse që edhe ne nuk po duam të mbetemi nën Serbi, pse të mos ndodh rishikimi i kufijve të vendosur me dhunë”.

Mustafa e sheh shkëmbimin e territoreve si mundësinë më të mirë për të vendosur njëherë e mirë paqen dhe sheshuar armiqësitë historike mes Kosovës dhe Serbisë.

“Ky do të ishte një shembull shumë i mirë në Evropë dhe në botë që dy shtete që historikisht kanë qenë në armiqësi në fund e zgjidhin problemin në mënyrë paqësore dhe njohin njëra tjetrën. Do të jetë një perspektivë shumë e madhe”.

Sipas Mustafës, ky është momenti i duhur që Presheva, Medvegja dhe Bujanovci të bashkohen me Kosovës, për t’i shpëtuar këto zona nga shpopullimi prej banorëve shqiptarë që kanë jetuar aty historikisht.

Tv Klan

Kategori
KosovaTe funditTë gjitha
0 Komente

Përgjigju

*

*