Goran Rakiç është kreu i ri i Komunës së Mitrovicës Veriore.
Ai është fitues i zgjedhjeve lokale të zhvilluara të djelën në këtë komunë, pas refuzimit të Krstimir Pantiç për të marrë mandatin.
Pantiç fitoi në zgjedhjet e zhvilluara në dhjetor, por nuk pranoi të nënshkruajë dokumente me emblemën e Republikës së Kosovës.
Goran Rakiç dhe “lista Sërpska” fituan 52.6% të votave.
I dyti u rendit Oliver Ivanoviç, i cili ndodhet në burg dhe është nën hetim nga EULEX për krime lufte.
Në zgjedhje garuan edhe dy kandidatë shqiptarë nga PDK e LDK.
