Xhensila Myrtezaj dhe Bes Kallaku janë një prej çifteve më të famshme dhe të dashura për publikun shqiptar. Xhensila këtë të diel ishte e ftuar në “BE Coffee”, ku foli për marrëdhënien e saj me Besin dhe familjen e tyre të re që është shtuar me bekimin e dashurisë së tyre, Ajkën.
Erion Isai: Si është të jesh e martuar me Bes Kallakun?
Xhensila Myrtezai: Është një martesë bio. Nuk ka pesticide, nuk ka helme, ka vetëm dashuri, ka ndonjëherë keqkuptime, por Besi është bio, Erion.
Bes Kallaku: Sikur me e pas mësu unë.
Erion Isai: Është bio, është.
Olsi Bylyku: Ju shikojnë të gjithë kaq të dashuruar, a ka ndonjë gjë që ju bezdis tek njëri tjetri?
Xhensila Myrtezai: Nuk ka ndonjë gjë jo, ka shumë gjëra. Tani zemër më fal, duhet të jem e sinqertë, po ti i di shumë mirë gjërat. Jemi një familje, jemi në një shtëpi…Besi ka një fjalë që mua më nxihet jeta sa herë e përdor. “1 sekondë”. Ai 1 sekondi zgjat 24 orë, ‘Besi duhet t’i ndërrojmë vajzës pelenën’, ‘1 sekondë’. Kalon 1 orë, 2 orë, 3 orë, i vjen radha pelenës tjetër, ai prapë ‘1 sekondë’.
Erion Isai: Po Xheni sa e ka një sekondën?
Bes Kallaku: Çfarë flet mer, 1 sekondi i kësaj është një javë.
/tvklan.al
