Parlamenti miratoi projekligjin që synon uljen e emetimeve të karbonit deri në vitin 2050
Spanja përjetoi vitin e saj më të nxehtë në 2020. Kjo vjen pasi parlamenti miratoi një projekt-ligj të rëndësishëm për të luftuar ndryshimin e klimës.
Pas disa vitesh grindje parlamentare, ligjvënësit miratuan ligjin e parë kombëtar të Spanjës për ndryshimin e klimës, i cili synon të ulë emetimet e karbonit në zero deri në 2050. Kritikuar nga partitë e majta, caqet e reduktimit të emetimeve do të rishikohen në 2023.
Në një vit të shënuar nga ngjarje ekstreme të motit dhe valë të nxehtësisë, temperatura mesatare e Spanjës arriti në 14.8 gradë Celsius, rreth 1.7 gradë më e nxehtë se mesatarja dhe mbi objektivin 1.5 gradë e përcaktuar në marrëveshjen e Parisit.
Përfundimet i bëjnë jehonë studimeve të fundit nga Bashkimi Evropian dhe Kombet e Bashkuara, të cilat zbuluan se viti i kaluar ishte më i nxehti i regjistruar në Evropë dhe ndër vitet e para më të ngrohta globalisht.
Përqendrimet e gazeve serë gjithashtu arritën kulmet historike, pavarësisht nga një ulje e përkohshme e shkaktuara nga masat për të frenuar pandeminë COVID-19. Spanja u godit nga një valë e motit ekstrem vitin e kaluar, duke përfshirë stuhia Gloria, e cila la 13 të vdekur dhe reshje rekord në bregdetin e mesdheut në Janar.
Ministria e Mjedisit ka bërë të ditur se ngjarjet ekstreme të këtij lloji i kushtojnë vendit rreth 700 jetë dhe 900 milion euro në vit. Për krahasim, Gjermania premtoi së fundmi neutralitetin e karbonit deri në vitin 2045 dhe Kina e synon atë deri në vitin 2060.
Klan News
