Mosha konfirmohet gjithnjë e më shumë se është vetëm një shifër për legjendën e futbollit botëror, Romario. Tashmë në moshën 58-vjeçare, ai është rikthyer në fushën stërvitore, me synimin për të qenë i gatshëm për të luajtur edhe ndeshje zyrtare me ekipin brazilian, America, skuadër e divizionit të dytë të Rio de Janeiro.
“Dua të bëj diçka shumë të qartë për të gjithë. Nuk dua të luaj në kampionat, por ideja është të luaj disa minuta nga disa ndeshje dhe të jem në fushë me djalin tim. Sado e vështirë të jetë, është të jemi kampionë të këtij divizioni. Mund të konkurrojmë në futbollin kryesor të kampionatit tonë në Rio de Janeiro.”
Federata e futbollit të Rio de Zhaneiros konfirmoi regjistrimin e Romarios si lojtar, duke shtuar se ai do të marrë një pagë minimale, e cila do t’i dhurohet klubit.
Romario, i cili doli në pension në 2008 dhe u bë drejtor sportiv i klubit në vitin 2009, luajti për Brazilin në dy Kupa Bote, duke shënuar pesë gola për t’i udhëhequr ata drejt fitores në vitin 1994.
Kampioni i Botës bëri më shumë se 70 paraqitje për Selecao midis 1987 dhe 2005, duke shënuar 56 gola. Ai luajti me Vasco da Gama dhe gjithashtu për Flamengo e Fluminense në Brazil, por edhe me Barcelonës, PSV Eindhoven dhe Valencia. Pasi u tërhoq nga futbolli, ai u bë senator dhe drejtoi hetimet e kongresit për korrupsionin në futbollin brazilian.
Klan News
